去一個零Planning嘅旅程，原來都幾好玩。
某一日訓到十一點鐘先起身，食完早餐返到屋企，心血來潮出左張機票，然後訂埋酒店，下一秒鐘就拖住個喼去左機場。
就係喺唔知發生緊咩事嘅情況下，我著住T裇短褲去左日本，呢一晚落極大雨，大佬得十六度咋。
🇯🇵 🌧 🏯 🥶
識我嘅朋友都知，每次放大假之前我都會一早諗到去邊玩，一早就已經做好個旅程嘅計劃，那怕係幾點起身 幾點食早餐 幾點出門口 幾點坐邊班車，呢啲都會喺我個Trip Itinerary 入面搵到。
或者平時飛去外站，習慣左用最短時間去最多地方，所以就算放大假去旅行都係呢種模式，本應去玩就應該要Relax，點解要逼到自己咁癲呢？
我覺得同人生好相似，即使我地做幾多準備都好，預期會有乜野結果都好，始終都會有好多未知嘅變數；你可能會預期火車誤點要坐下一班車，但你冇估過可能嗰日火車故障，連坐都冇得坐？
假設世界原來不像你預期，
不如「既來之，則安之」，
咁樣人生也好，旅程也好，
都唔會咁大壓力。
今年懶惰左，下年三個大假，我已經準備好啦！
🇲🇦 🇨🇺 🇦🇺
Search